08 marzo 2024

8M

No día de hoxe, DÍA INTERNACIONAL DA MULLER, recomendámosche...


E non podía faltar...

05 marzo 2024

Recursos Letras Galegas 2024. LUISA VILLALTA

Aquí vos deixamos unha serie de enlaces que nos parecen interesantes para traballar sobre a figura de Luisa Villalta:

Real Academia Galega

Primavera das Letras

Seminario Galán 

Aulas Galegas

Portal da Lingua Galega (nesta páxina hai enlaces a numerosos recursos)

AELG (Asociación de Escritores en Lingua Galega)

Galipedia

Terra e tempo

 (irase actualizando segundo vaian saíndo máis recursos)

23 febreiro 2024

Día de Rosalía 2024

 Queres ver os nosos poemas que fixemos para as actividades da Asociación de Escritores en Lingua Galega con motivo da celebración do Día de Rosalía de Castro? Preme na imaxe e verás

21 febreiro 2024

Boas novas para a vosa lingua materna!

 
 

Ola amiguiñas e amiguiños... hoxe achégome por aquí para recomendarvos dúas páxinas web moi interesantes para a nosa lingua, seguro que algunha delas faráselle moi coñecida ás vosas familias.

 
 

 
 Probade coa axuda dalgunha persoa adulta e gozade do audiovisual na vosa lingua materna! 



31 outubro 2023

O noso Samaín...

Aiiii rapazada...o medo que pasei na nosa biblio, tiven que agocharme nas estanterías para que non me visen a Meiga e os Monstros. Estaba alí nunha esquiniña vendo como vos agarraban das pernas, como facían conxuros e mesmo dicían que a nosa era unha Biblioteca Encantada, vístelo coma min?


 
Menos mal que tamén se achegou ao centro Anxo Fariña e ensinounos moitos segredos para aprender a debuxar uns monstros que daban moito medo! Grazas Anxo por debuxar con nós e para nós!!! 
 


24 outubro 2023

Benvidas e benvidos a un novo curso!

 Boas rapazada, acordádesvos de min?

Si, si... son Librato e quería darvos a benvida a este novo curso 2023/2024.

Imos comezar cun segredo que me teredes que gardar todas e todos... a nosa biblioteca vai cambiar moito neste curso! 

Xa incluímos libros novos, cambiamos decoracións, mobiliario máis funcional,... Agardamos que vos guste moito!

De todos xeitos, de non ser así, sabedes que temos un buzón de suxerencias xusto na entrada, deixádenos as vosas ideas e terémolas en conta sempre que poidamos!

 

Unha aperta moi forte e... LER MOITO!

16 outubro 2023

Día das escritoras



 "... Sinto un formigo no estómago... Sorrio. Porque me apetece e porque me apetece dicilo." 

 
Yáñez, Antía. Non penses nun elefante rosa. (Xerais, 2022)


Boas familias e rapazada, Librato aínda non está preparado para darvos a benvida a este curso pero, no noso cole xa comezamos a traballar en temáticas moi interesantes.
Coñecedes moitas escritoras? As nosas nenas e nenos semella que saben o nome de moitas e empregáronos para decorar os seus futuros marcapáxinas!!!





8M

No día de hoxe, DÍA INTERNACIONAL DA MULLER, recomendámosche... E non podía faltar...