É tempo de Ciencia, na biblioteca, xa sabedes...E esta vez a entrada do blog é para mesturar ciencia con arte...e logho!
Lembraremos a exposición do profe de Física e Química, Anxo Romar que tivemos a sorte de gozar a finais do curso pasado.
Imos darlle un tempiño para traballar en novas obras, pero...iso si, esperamos que as volva a mostrar no cole, porque quedamos encantados!!
E parece que hai moito tempo xa da exposición...pero tan só foi en Xuño, mala época para facer unha entrada no blog como se merecía (xa sabemos, final de curso...). Pero aquí está, e así lembramos un pouco as marabillosas imaxes das obras de este autor, autodidacta, que comezou a pintar animado pola súa muller, e que agora...non pode parar!!! E ademais parece que vai pasando o relevo ao máis pequeno da familia. Xa vedes rapaces...TODO É EMPEZAR !!!
Como bo artista-científico curioso, aínda que comezou traballando ao óleo (que difícil!) foi probando outras técnicas (pasteis, acrílicos, acuarelas...), novos soportes preparados por el mesmo con gesso, sobre madeira, cartón...e engadindo texturas que fixeran máis pastosas as súas pinceladas.
Os temas escollidos dinos moito del, do seu entorno (paisaxes mariñeiras, mulleres do mar en plena faena...) e da súa paixón ( esas formas dos ácidos desoxirribonucleicos, ADN, que podemos ver en algún dos seus retratos, as formas celulares...) así como a influencia de autores galegos relevantes como Seoane...
Xa se sabe: proba, intenta , volve a probar, compara...goza ao fin e ao cabo...
Anxo Romar, todo un científico-artista en tódalas facetas da súa vida!!!
Ningún comentario:
Publicar un comentario