Letras Galegas 2021

No 2021 adícanse as Letras Galegas á figura de Xela Arias. Preme na imaxe e accederás a varios recursos para traballala. 

Día de Rosalía de Castro 2021

Hoxe cúmprense 180 anos do nacemento da nosa escritora máis universal e no Ponte rendémoslle una homenaxe un ano máis participando as actividasdes da AELG (Asociaicón de Escritores en Lingua Galega). 

Estes son os nosos traballos:

PREPARANDO A VISITA DE CARLOS MEIXIDE E MARÍA MEIJIDE

Este ano, no Club de Lectura liron os libros "Cans" e "Ons"de Carlos Meixide, ilustrados pola artista María Meijide.

Temos a sorte de poder contar con eles o próximo día 18 de decembro nun obradoiro conxunto. Xa localizamos moitas preguntas e dúbidas sobre o libro, sobre o proceso de creación (de texto e ilustración ), sobre a autoedición...

                            

De momento estamos a preparar ben a entrada a biblio con información deles e mais de elementos das dúas obras. Deixámosvos unhas fotos do proceso e xa poñeremos as do obradoiro!

Día de Rosalía de Castro

O día 24 de Febreiro vimos celebrando desde hai anos o Día de Rosalía de Castro, lembrando o aniversario do nacemento da nosa escritora máis recoñecida. 

Cada ano a AELG (Asociación de Escritores/as en Lingua Galega) propón unhas actividades conxuntas aos centros de ensino para conmemorar e visibilizar a obra de Rosalía. Este ano a proposta era encher as redes cun dos versos de Cantares Galegos: "Trocando en sonrisas, queixiñas e choros". E por iso sacamos os versos a percorrer as diferentes estancias do cole: a biblioteca, o corredor, as aulas...E logo cada un de nós enviabaas fora dos nosos muros, a través das redes sociais. 

A nosa aportación é neste blog, o noso blog da biblioteca de Pontecarreira!

En Infantil e Primaria disfrutamos da lectura de varios textos da autora por parte dos alumnos de primaria:

Deixámosvos aquí tamén un pequeno agasallo. Outro poema de Cantares e unha ilustración de Aldara Prado, que, grazas a Deputación de A Coruña, se difunde a través da Rede.

Pasan naquesta vida

cousiñas tan estrañas,

tan raros feitos vense

neste mundo de trampa;

tantos milagres vellos,

tan novas insinanzas,

e tan revoltos allos

con nome de ensaladas,

que non che digo nada...

Pero, ¡vaia!

Rosalía de Castro. Cantares Gallegos 

Laura Gallego

No sabemos bien qué pasa cada año, cuando en 1º ESO "alguien descubre" (de forma casual o porque "toca" leerlo en clase de castellano..,;)) que...LAURA GALLEGO existe!! 

Suele ser "Crónicas de la Torre" y su primer libro "El valle de los lobos" el que despierta la curiosidad de ese grupo de nuevos lectores de fantasía que a partir de ahora devorarán cuanto libro de la joven autora caiga en sus manos. 

No podía ser menos este 2015-16...La búsqueda de la saga de "Crónicas..." ha comenzado...Ya tenemos alguna voraz lectora que ha leído el segundo, el tercer tomo y va por el cuarto en un mes! Luego vendrán "Memorias de Idhún",  "Finis Mundi", "La emperatriz de los etéreos".... Os iremos contando.

Cualquier información sobre la autora, sus libros, foros y próximos eventos o proyectos podréis encontrarlos en su página web:

Laura Gallego

Ata SEMPRE, NEIRA VILAS!

Con esta foto lembramos o paso de Xosé Neira Vilas por Pontecarreira, alá polo 2011. 

Aquí vos deixamos tamén información sobre a súa biografía recollida nunha entrevista da revista Sermos e máis algúns videos e entrevistas para poder escoitalo.

E o mellor de todo, temos a súa obra, o seus libros para ler e reler...e gozar...e aprender...e vivir!!

Xosé Neira Vilas (1928-2015), autor da obra máis vendida da historia da literatura galega, Memorias dun neno labrego, faleceu esta mañá na súa casa en Gres (Vila de Cruces). Tiña 87 anos. 

Nunha entrevista publicada por Sermos Galiza no número 166 do semanario en papel aseguraba ter sido "un activista da cultura galega até hoxe". Nesa conversa, que reproduciremos íntegra esta tarde no diario dixital, Neira Vilas afirmou que a súa obra por excelencia, Memorias dun neno labrego "vai máis alá de min. Como di Freixanes: 'Balbino desbórdate', non precisa de min". 

Autor do maior best-seller das letras galegas, ‘Memorias dun neno labrego’, Neira foi un prolífico escritor que publicou máis de 70 libros para adultos, para nenos, ensaio, novela... 

Neira Vilas (Gres, 1928-2015) foi un traballador incansable a prol da cultura e da lingua galega, tanto no exilio como de volta en Galiza. Na súa vida está escrita a historia de Galiza nos últimos 75 anos. Con 20 emigrou a Arxentina, onde abrazou a causa do nacionalismo e onde creou as Mocedades Galeguistas, das que foi secretario xeral, e fundou a editorial Follas Novas. Alí convertiuse “nun activista da cultura galega e da dignidade de Galiza digamos até hoxe. De por vida”, declarou a Sermos nunha entrevista hai poucas semanas. 

Ultimamente estaba a escribir letras para cancións de varios artistas galegos

Logo de casar con Anisia Miranda, unha moza cubana de ascendencia galega, trasládase a Cuba, onde creou o maior centro bibliográfico sobre a emigración galega en América, ademais de organizar eventos e conferencias relacionadas coa cultura galega. 

A parella regresou a Galiza definitivamente en 1992, cando a Xunta arranxa a súa casa natal e a convirte en Fundación Neira Vilas, cunha biblioteca, un pequeno museo etnográfico e unha sala de exposicións e concertos, que pronto se converte no centro cultural da comarca. 

Non deixou de escribir, dar conferencias e atender a todo o mundo que o precisaba até os últimos días da súa vida. Este mesmo ano publicou en Galaxia ‘Romaría de historias’.

Ultimamente estaba a escribir letras para cancións de varios artistas galegos. Saberemos del, da súa produción que seguirá o seu camiño, nos vindeiros meses. 

No seguinte video podedes ver as imaxes de Xaquín Marín na fermosa edición das "Memorias dun neno labrego" da Editorial Galaxia e a música de A Quenlla (inconfundible voz de Mini)

O mellor é seguir lendo a súa obra...sempre!