#Rosalíate

Un ano máis celebramos o DÍA DE ROSALÍA sumándonos á proposta da AELG (Asociación de Escritores en Lingua Galega).
Para elo, o alumnado de infantil e primaria creamos as nosas máscaras e fotografámonos en familia con estas máscaras e un poema de Rosalía.

En secundaria fixemos un mannequin challenge sobre Rosalía.

Contacontos con Paco Nogueiras

O pasado 24 de xaneiro, os peques de infantil e os compis de 1º e 2º de primaria disfrutamos dunha sesión de contacontos moi especial; o encargado de facela así foi Paco Nogueiras, todo un artistazo, e que ademáis toca calquera instrumento que se lle poña por diante. Pasámolo xenial; clika na imaxe e verás. 

E para que vexades o ben que o pasamos outra mostra, pero agora en vídeo...

Que chega, que chega...

A nosa biblioteca xa está lista para festexar mañá o San Valentín, Día da Amizade,... ou como queirades chamarlle. Animádevos e vide visitala.

Concurso San Valentín

Temos ás portas o San Valentín e dende a Biblioteca, xunto do EDLG, convocamos, un ano máis o CONCURSO DE DEBUXOS-TARXETAS de amor, amizade,... Bótalle un ollo ás bases porque hai novidades con respeto aos anos anteriores.

LIBROS QUE VEÑEN E VAN...

Chegaron ao cole. Case mil libros. Que ilusión! Libros dunha biblioteca municipal que pecha cara a outra biblioteca pública escolar que crece...

Os agasallos sempre son benvidos, e máis se nos traen palabras, soños, aventuras, ensaios e moita, moita poesía....

Tocaba colocalos "no seu sitio", nos andeis da biblioteca. E que mellor modo que pasar por as vosas mans. Agora si que podedes decir que este ano "tocasteis" uns mil libros!!! Agora tan só fai falta acercarse a eles, abrilos e disfrutalos!!! Pouco a pouco, eh, non fai falla que sexan todos este ano..,)))

GRAZAS!! 

ESTA CADEA DE TRABALLO SI QUE É BOA!!

MARILAR ALEIXANDRE ingresa na REAL ACADEMIA GALEGA

A

Comezamos este novo ano cunha boa nova. Marilar Aleixandre, bióloga e escritora, ingresou o 14 de xaneiro de 2017 na Real Academia Galega, pasando a ocupar a cadeira do falecido Xosé Neira Vilas. Ámbolos dous pasaron polo noso centro hai anos e deles temos un magnífico recordo, como escritores sabendo que contar e sobre todo, a nivel humano, como facelo.

Ten recibidos premios como o Merlín ou o Premio da Crítica por A expedición do Pacífico, o Lazarillo por A banda sen futuro ou o Premio Fundación Caixa Galicia de Literatura xuvenil por A cabeza de Medusa.

E como sempre...o mellor é pasar pola biblioteca e levar un dos seus libros...para coñecela mellor e poder reconocer o seu mérito.

Se queres tamén podes atopar máis información na súa páxina  na AELG : Biografía na AELG ou ler o seu   Discurso de ingreso na RAG. Por suposto, podes visitar o Blog de Marilar Aleixandre.

Que aproveite a lectura!

Lecturas polo Nadal

Que ben o pasamos este mes da biblio; decorada para o Nadal disfrutamos de varias lecturas individuais ou en pequeno grupo a cargo dos voluntario de 5º e 6º de primaria. Temos pouquiñas fotos, pero son a boa mostra do ben que o pasamos.