Lectómetro: 1º trimestre

En Educación Primaria estamos levando a cabo un concurso de lecturas trimestrais. Trátase dun LECTÓMETRO individual, no que cada vez que leamos un libro coloreamos un deste lectómetro,  e aquel alumn@ de cada curso que o teña máis longo ao finalizar o trimestre recibe un pequeno agasallo. 

Aproveitamos a celebración do DÍA DA PAZ para entregar os premios do primeiro trimestre. Os gañadores son Noelia (1º), Saray (2º), Bruno (3º) e Hugo Martínez (4º). O alumnado de 5º e 6º non participou nestre primeiro trimestre, pero xa o está a facer para o segundo. 

Contacontos Kalandraka

O pasado 2 de febreiro o alumnado de infantil e 1º e 2º de primaria disfrutamos, un ano máis, dunha sesión de contacontos da editorial Kalandraka. Os encargados de facénolo pasar tan ben foron Sara e Álex. Se queres velo.... preme na imaxe

Os Bolechas e o Entroido

Queres pasar un anaco divertido neste Entroido? Os Bolechas axudaranche a que así sexa. Preme na imaxe e verás actividades varias: xogos, contos, cancións,... do Entroido galego.

Día da Paz

Día da paz...día de compartir toda a comunidade educativa (primaria e secundaria) chiculate con churros...Madia leva!!!

E unha vez "contentos" e almorzados...en secundaria limos xuntos, en proxecto lector, textos seleccionados polo alumnado relacionado coa paz e cantamos unha canción. É unha canción orixinal de Bob Marley, pero aquí está interpretada por diversos músicos alternativos e artistas da rúa en diferentes partes do mundo como parte do movemento "Playing for a change". Baila ti tamén!

E aquí deixamos unha escolma de textos relacionados coa paz que recolleron os nosos compañeiros do IES San Paio. Grazas por compartir!

PALABRAS DE PAZ

Concurso "namorémonos"

Xa pouco queda para festexar o Día do Amor, da Amizade, San Valentín,...; dende o Equipo de Biblioteca e o Equipo de Dinamización da Lingua Galega propoñémosvos un ano máis o concurso "NAMORÉMONOS". Aquí vos deixamos as bases e... anímate a participar. 

Dende Kalandraka virán Álex e Sara

Álex e Sara virán ao cole. Procedentes de Kalandraka enviánnos esta carta para que os peques de infantil e 1º e 2º de primaria se vaian preparando para a súa visita. E a nosa mascota LIBRATO xa a ten.

VISITA dos MEIJIDE-MEIXIDE

Chegaron por fin "Os Meix (j)ides" a Pontecarreira e foi todo un éxito!!

Unha breve introducción do que falamos e traballamos aquel 18 de decembro pola tarde e logo as fotos que falan por si soas:

1.- Introducción do autor dos libros, Carlos Meixide, sobre as obras e a súa idea de ir escribindo historias que lles suceden aos catro amigos (e máis á Rula) por toooooodos os concellos de Galicia.

2.- Presentación de María Meijide sobre os cadernos de viaxe e a percepción da realidade (ilusións 

ópticas, exemplos de outros autores e propios...) e logo...

3.- A debuxar!! Puxéronse mans á obra e realizaron un par de retratos, con e sen instruccións...e vaia diferencia! Aprendemos a facer retratos con volume a partir de "simples" manchas.

Agasallárannos cos mellores dos seus sorrisos e con dous exemplares do novo libro, "Guitiriz" que sen dúbida leremos con moito interés. Grazas!