Lecturas polo Nadal

Que ben o pasamos este mes da biblio; decorada para o Nadal disfrutamos de varias lecturas individuais ou en pequeno grupo a cargo dos voluntario de 5º e 6º de primaria. Temos pouquiñas fotos, pero son a boa mostra do ben que o pasamos. 

FELICES FESTAS

Neste Nadal recomendámosche...

Powered by Issuu

Publish for Free

LEONARD COHEN

O cantante canadiense Leonard Cohen faleceu aos 82 anos, logo de publicar o seu derradeiro álbum en outubro.

Poeta e cantante, non deixedes de escoitar as súas cancións e de atender ás súas palabras, de amor, desamor, desaliente e fortaleza...Aquí deixamos un enlace donde poder escoitar algunha delas:

CANCIÓNS

E aquí podedes velo, xa ben maior, no discurso que ofreceu cando recollía o Premio Príncipe de Asturias das Letras no 2011. Paga a pena ver e escoitar a historia do seu primer profesor de música, un mozo español  que hai moitos anos aprendeulle a tocar os primeiros acordes na guitarra:

Como estamos seguros que queredes saber máis sobre el...aquí atoparedes outros artículos e programas:  Máis sobre Leonard Cohen

Lecturas de medo na biblio

Que ben o pasamos esta semana na hora de ler... Na biblioteca poidemos disfrutar de varias historias de medo...

O samaín chega a biblioteca

Deste xeito chega o Samaín á nosa biblioteca para que disfrutes das lecturas terroríficas que che recomendamos...

Día da Biblioteca

Hoxe é o DÍA DA BIBLIOTECA e no cole festexámolo deste xeito...

Neste Samaín...

Librato bótanos de menos...

Despois dusn meses de descanso, Librato xa hai uns días que anda argallando na biblio de infantil e primaria e este pasado luns todo estaba listo para a inaguración do curso 16-17.  Estaba desexando vernos e mesmo nos trouxo un agasallo.

Aquí vos deixamos unhas fotiños deste primeiro día do curso 16-17 na nosa biblio.

 

"Biblioteca escolar - Territorio das Artes"

"Biblioteca escolar - Territorio das Artes" é o lema escollido para os materiais que a Consellería de Cultura, Educación e Ordenación Universitaria edita a comezo do curso 2016/2017  con destino ás bibliotecas escolares dos centros educativos galegos.

A imaxe do cartel este ano foi creada por MINIA REGOS. Garda moitas sorpresas para as lectoras e os lectores; propón un xogo de exploración e aventura por este "territorio" complexo e engaiolante que é toda biblioteca escolar.  

Convidámosvos pois a experimentar o pracer de expresarse a través da música, a pintura, a arquitectura, a danza, o teatro, a literatura, a escultura, as artes visuais (cine, cómic, fotografía, videocreacións, videoxogos...)

E para comezar cunhas impresionantes imaxes ao carón de nós, en Ordes, deixámosvos este video donde nos presentan algúns dos murais que, nestes días, realizaran na vila. Pero é tan só un adelanto, ide a disfrutalos en vivo e en directo...e contádenolo!!

                                               
                       DES-ORDES

 

BENVIDA ao curso 2016-17

Ano tras ano, despois de agosto...chega setembro...;)))

Comezamos o cole, clase nova, reencontro de amigas e amigos, case todos coñecidos...ou non.

E de novo, despois dos recreos, imos á biblioteca para o Proxecto Lector. Estes primeiros días lemos as revistas, os xornais, os libros de animais, novelas gráficas e demáis que están polas mesas. Algún de vós estades xa moi concentrados mesmo en rematar os libros de verán ou algún novo.

Son días de organización, de reencontro cos textos e as imaxes, de elección de pertenza ao Club de lectura...

Lembrade que podedes ir facendo as vosas peticións para mercar eses libros que este ano queredes que estean na nosa biblioteca.

Disfrutádeos e gozade da lectura en calquera das súas variantes!!

 

Bo verán

Este verán...

Powered by Issuu

Publish for Free

MEDRAR

O alumnado de 4º de ESO agasállanos con esta presentación do seu derradeiro traballo creativo no centro. Sementaron ben o terreo...e o que é máis importante, pintaron un lenzo en branco para o que vai ser a súa nova andaina.

Moita sorte nese camiño! Merecedes o mellor!

" MEDRAR "

Contacontos Kalandraka

Así de divertido foi a sesión de contacontos de Patri e Álex, de Kalandraka

Día do Libro

Un ano máis festexamos o DÍA DO LIBRO por todo o alto.

Conmemoramos o IV Centario na morte de Cervantes con esta pequena exposición e lecturas dalgunhas aventuras de "Don Quijote": 

E un ano máis realizamos lecturas no patio e apadriñamentos lectores; canto nos gusta esta actividade e que ben o pasamos....

"Temos un segredo..."

Para celebrar este ano o "Día do Libro" decidimos poñernos a traballar "desde o outro lado", desde o punto de vista do escritor, como autores do noso relato. 

Repartímonos en grupos de 3 ou 4 persoas, de diferentes cursos, idades e sexos para facer grupos heteroxéneos e así ter diferentes visións e aportar a vosa creatividade desde diferentes puntos de vista. 

Buscamos primero uns puntos en común de donde partir todos: dous personaxes (teríades que elexir o seu nome, sexo, idade e circunstancias persoais. Eso sí, para presentarlles fixeramos un breve monólogo de cada un deles, e vimos así que un tería que ser máis realista e outro máis idealista). Ambos atoparanse nas redes sociais e terán que compartir un segredo... E a partir de aquí comezamos a aventura... 

Reunirémonos os luns, martes e venres, na hora de proxecto lector!

Aquí vos deixamos unhas fotos dos primeiros días...iremos vendo ata donde chegamos!!!

Repartímonos para traballar e poder concentrarnos ben: en recunchos da biblioteca...

Ou nas aulas de 1º ESO e a de Plástica...

No día do libro recomendámosche...

Powered by Issuu

Publish for Free

A Librería AENEA visita a biblio

A todos encántanos ver libros novos, as portadas cheas de cor, os títulos suxerentes de autores coñecidos e descoñecidos, os exemplares do último libro da miña autora favorita... As veces non é sinxelo achegarnos a unha librería preto de nós, así que: "....se Mahoma non vai á montaña...."

O venres 15 de abril "a montaña" veu á biblioteca de secundaria, en forma de "librería andante", con Lola,  da Librería AENEA de Santiago. 

Foi un verdadero pracer ver cómo saían desas maletas viaxeiras os exemplares seleccionados con mimo por esta librera, enamorada do seu traballo e dos libros. 

Pronto chegaron os alumnos e alumnas, achegándose tímidamente a observar a esos "intrusos" na biblio, atraídos polas portadas e a voz cálida de Lola.

E despois todos xuntos, mirando e elixindo un daqueles exemplares que vos chamaran a atención, polo motivo que fose: o tema, o título, o formato, o xénero...

Sentámonos a compartir un bo rato  de suxerencias, agarimo polas historias, polos autores, pola selección e importancia das editoriais ... 

Coñecimos a historia de Shackelton, a importancia de recoñecer certas emocións, a nena que escribiu unha carta a raíña porque o seu irmán tiña cancro, a diferencia entre o cómic e a novela gráfica, as reseñas...

E finalmente lanzámonos en busca de aqueles exemplares que non queriamos deixar escapar xa da biblioteca, que queremos descubrir, ler, reler, observar e descubrir nestes días. A por eles!!!

Semana do teatro

O pasado 27 de marzo foi o DÍA MUNDIAL DO TEATRO. Novamente coincidiu estando de vacacións e, novamente non quixemos pasar por alto a súa celebración. Durante os días 29, 30 e 31 de marzo e 1 de abril organizamos varias lecturas dramatizadas de obras teatrais dos nosos autores; algúns dos particpantes caracterizáronse para a ocasión, pero démonos conta de que só coa modulación e entoación axeitada da nosa voz é sufiente para difrutar do teatro. Aquí unha pequena mostr:

Semana da Poesía

Hoxe, 21 de marzo, é o DÍA DA POESÍA. Para festexalo no colexio, antes das merecidas vacacións, organizamos a II Semana da Poesía. Na semana do 14-18 de marzo disfrutamos de varias sesións de lecturas poéticas no patio; autores da talla de Manuel María (Letras Galegas 2016) ou Neira Vilas estiveron entre os nosos escollidos. Tamén organizamos o II Concurso de Poesía "TROITAS EN VERSO", do que nos vindeiros días vos amosaremos as producións do noso alumnado. De momento, unhas fotiños das nosas xornadas poéticas.

Día de Rosalía de Castro

O día 24 de Febreiro vimos celebrando desde hai anos o Día de Rosalía de Castro, lembrando o aniversario do nacemento da nosa escritora máis recoñecida. 

Cada ano a AELG (Asociación de Escritores/as en Lingua Galega) propón unhas actividades conxuntas aos centros de ensino para conmemorar e visibilizar a obra de Rosalía. Este ano a proposta era encher as redes cun dos versos de Cantares Galegos: "Trocando en sonrisas, queixiñas e choros". E por iso sacamos os versos a percorrer as diferentes estancias do cole: a biblioteca, o corredor, as aulas...E logo cada un de nós enviabaas fora dos nosos muros, a través das redes sociais. 

A nosa aportación é neste blog, o noso blog da biblioteca de Pontecarreira!

En Infantil e Primaria disfrutamos da lectura de varios textos da autora por parte dos alumnos de primaria:

Deixámosvos aquí tamén un pequeno agasallo. Outro poema de Cantares e unha ilustración de Aldara Prado, que, grazas a Deputación de A Coruña, se difunde a través da Rede.

Pasan naquesta vida

cousiñas tan estrañas,

tan raros feitos vense

neste mundo de trampa;

tantos milagres vellos,

tan novas insinanzas,

e tan revoltos allos

con nome de ensaladas,

que non che digo nada...

Pero, ¡vaia!

Rosalía de Castro. Cantares Gallegos 

Axencia de información sobre ciencia, tecnoloxía e información

Queres ter información sobre estas fotografías? Que representan? De que trata a noticia á que acompañan???

           


        

Pinchando neste enlace podedes acceder ao Facebook de SINC, a primeira axencia pública estatal especializada en información sobre ciencia, tecnoloxía e innovación en español. Tódolos contidos producidos por SINC teñen unha licencia Creative Commons 3.0, o que quere decir que pódense copiar, distribuir, comunicar públicamente e transformar, sempre e cando se cite a SINC como fuente.

E desde aquí o podedes acceder á páxina principal da mesma axencia, donde ademais atoparedes información sobre outros temas (Humanidades, Ciencias Sociais...)